Crema de Verduras:

(Receita compartida por: Ángela Silva)

Ingredientes:

• 2 ou 3 cabaciños grandes
• Medio quilo de cenouras
• 4 Allos porros
• 1/2 Cebola
• 3 Dentes de Allo
• Un chorriño de Aceite de Oliva
• Un pouquiño de Sal ao gusto
• Pan do dia anterior

Realización:

Ponse ao lume unha pota con abundante auga e vanse agregando os cabaciños, as cenouras peladas e os allos porros previamente lavados. Déixase cocer 45 minutos, máis ou menos ata que se vexa que as verduras xa están moi blandiñas.
Noutra pota a parte vaise preparando cun chorriño de aceite de oliva, a cebola picadiña e os dentes de allo en anacos moi pequenos, ata que estea ben pochado. Unha vez estean cocidas as verduras se escurren, reservando a auga no que as cociñamos, e mestúranse na mesma pota coa cebola e o allo, ponse a lume lento e déixase un par de minutos. Engádeselle o sal e bátese coa batidora, engadindo un pouco do caldo de verduras que reservaramos, (que non sexa nin pouco nin moito, ir vendo como vai quedando a textura). Bátese moi ben para que non quede ningún fío do allo porro nin nada que os peques poidan atopar, comeranllo mellor.
Ponse un pouquiño de aceite na tixola e córtase o pan en cadradiños ata que estean un pouquiño dourados.
Ao servir a crema de verduras no prato colócanselle encima os anacos de pan frito.
Ás miñas nenas encántalles.

Berenxenas recheas de verduras e polo

(Receita compartida por: Soledad Álvarez)

Ingredientes para 4 persoas:

• 3 berenxenas (grandes)
• 1 peituga de polo (500 gr.)
• 1 pemento vermello
• 3 cenorias picadas
• 1 tomate natural
• 1 allo porro picado
• salsa de tomate caseira para que queden zumentas.
• queixo para gratinar.
• sal
• orégano
• aceite de oliva 2 culleradas
  

PREPARACIÓN:

Lávanse as berenxenas e córtanse pola metade lonxitudinalmente, colócanse na bandexa de forno. Fánselle uns cortes, engádese un pouco de sal, un pouco de aceite, e métense no forno 20 minutos a 180º.
Mentres, pomos unha tixola ao lume, con 1 cullerada de aceite de oliva, e se sofriten as verduras (eu empezo polo allo porro); unha vez pochadas as verduras engadímoslle o polo, picado ao gusto e salpimentamos.
A continuación sácanse as berenxenas do forno e déixanse arrefriar e retírase con moito coidado a pulpa e déixase a pel da berenxena sen romper, (é máis fácil se pasamos a punta dun coitelo por todo o bordo).
Picamos a pulpa da berenxena e engadímola á tixola xunto coa salsa de tomate, (aprox. 1 vaso) e refogamos 5 minutos para que se mesturen ben os sabores.
A continuación colócase a pel das berenxenas nunha bandexa de forno e énchense coa mestura, engádeselles o orégano, o queixo, e se gratinan 10 minutos no forno xusto antes de servir.

Na casa fágoas pola noite e as gratino ao mediodía cando chegamos todos, para que estean quentiñas.

Fetuccinne á carbonara con espinacas

(Receita compartida por Eva Quesada)

• 500 g. de fetuccinne ás espinacas.
• 200 g. de touciño cortado en tiriñas
• 600 g. de espinacas
• 2 ovos
• 500 ml. de nata para cociñar
• unha bolsiña de emmental raiado

Pomos a pasta a cocer en 5 l. de auga con sal nunha pota grande e as espinacas en dous dedos de auga con sal nunha pota pequena.
Mentres tanto, douramos unhas tiras pequenas de touciño entrefebrado nunha tixola grande (sen aceite). Unha vez solten a graxa e véxanse douradiñas, engadimos as espinacas escurridas e removemos cunha culler de madeira ata que evaporen a auga que lles queda.


Cubrímolas coa nata e dous ovos enteiros. Mesturamos e aderezamos con emmental raiado. Vertemos esta mestura encima da pasta escurrida e listo para comer.
Os meus nenos chámanlle ectoplasma.